Astrit Gashi: Opozita e kanë humbur rrugën në oborr. Nuk guxojnë ta rrëzojnë Kurtin!

Analisti politik, Astrit Gashi, i ka kritikuar partitë opozitare në Kosovë, për mënyrën se si po e kundërshtojnë pushtetin.

Sipas tij “opozita vazhdon ta ketë rrugën e humbur në oborr”, teksa theksoi se kërkesat e tyre për ta rrëzuar nga pushteti kryeministrin e Kosovës, Albin Kurti, nuk janë të vërteta.

Ai në Debat Plus, tha se partitë opozitare nuk kanë guxim të shkojnë në zgjedhje të parakohshme dhe të përballen me Kurtin.

“Nuk pres që munden me tregu strategji që munden me sfidu pushtetin në Kuvend. Opozita vazhdon me pas rrugën e humbur në oborr, kanë qejf të thonë po dojmë ta rrëzojmë Kurtin, nuk guxojnë ta rrëzojnë Kurtin. Nuk besoj fare opozitës kur po kërkon zgjedhje të parakohshme, po mendon të thonë por nuk po kërkojnë”, tha ai.