Zhanna Samsonova, e njohur ndryshe si Zhanna D’Art, një influencuere ruse 39-vjeçare, promovuese e dietave strikte vegane për ndjekësit e saj në rrjetet sociale ka vdekur tragjikisht.
Teksa shkaku zyrtar i vdekjes së saj është i paqartë, nëna e saj dyshon se mund të lidhet me një infeksion të ngjashëm me kolerën për shkak të dietës vegane të së bijës gjatë katër viteve të fundit.
Shqetësimet për shëndetin e saj u ngritën më herët kur një shoqe e saj përmendi se ajo dukej e rraskapitur dhe i kishte këmbët e fryra të cilat i rridhnin lëng limfatik gjatë një vizite së bashku në Sri Lanka disa muaj para se të vdiste.
