Çka është ngrohja globale?
Ngrohja globale i referohet rritjes së temperaturës në planetin Tokë në një periudhë të caktuar. Një tjetër kuptim i ngrohjes globale është ai i një hipoteze sipas të cilës ngrohja e Tokës vjen si pasojë e përdorimit nga njeriu të lëndëve fosile. Ngrohja globale është ndryshe e njohur si ngrohja graduale e sipërfaqes së Tokës, oqeaneve. Efekti më i dukshëm i kësaj dukurie është rritja e nivelit të detit, e cila rezulton me permbytje në zonat e ulta bregdetare dhe si e tillë mund të jetë kërcënim i vërtetë për shumë vende.
Çka shkakton ngrohja globale?
● Temperatura më të nxehta. Me rritjen e përqendrimit të gazit serrë, rritet edhe temperatura e sipërfaqes globale.
● Stuhi më të forta,
●Rritje e thatësirës,
● Ngrohje dhe rritje e nivelit të oqeaneve,
● Humbje e specieve,
● Ushqim të pamjaftueshëm,
● Më shumë rreziqe për shëndetin,
● Varfëri dhe shpërngulje…
Shkencëtarët parashikojnë, se gjatë viteve të ardhshme, bota në të cilën jetojmë do të arrijë temperaturat më të larta, të matura ndonjëherë.Parashikimet tregojnë se mundësitë e tejkalimit të kufirit +1,5 oC të ngrohjes globale në 2027-ën, janë 66%. Kjo edhe për shkak të shtimit të shkarkimeve, si pasojë e aktivitetit njerëzor, por edhe për shkak të ndryshimeve të pritshme në modelet e motit (fenomeni El Niño). Arktiku do të përjetojë nivele të ngrohjes në rritje, krahasimisht shumë rajoneve të tjera, me anomali të temperaturave, që priten të jenë tre herë më të larta, në pesë dimrat pasues që pritet të përjetojë hemisfera veriore. Sipas raportit Evropa veriore, përfshi Britaninë e Madhe, do të përjetojë rreshje të shtuara gjatë maj-shtatorit, në pesë vitet pasuese.
