Reagon Kryeshefi Mujka“Harruan t’i mbyllin portat e Liqenit Akumulues, njëjtë si para dy muajsh
Pas shterjes së lumit Ibër në zonën përreth pjesës urbane të qytetit të Mitrovicës, ka pasur reagime të shumta nga mediet, komuna dhe së fundmi nga ndërmarrja Ibër Lepenc që menaxhon me Liqenin e Ujmanit, uji i të cilit krijon rrjedhën e lumit Ibër.
Fillimisht komuna e Mitrovicës përmes një komunikate, e cila përmes një komunikate në mënyrë indirekte u mundua ta heq përgjegjësinë nga vetja, raporton Veriu.info.
Por i menjëhershëm ishte reagimi i Kryeshefit të ndërmarrjes Ibër Lepenc, Faruk Mujka, i cili fajin për shterjen e lumit Ibër e ka drejtuar nga komuna e Mitrovicës, më saktësisht të menaxhimi i portave në Liqenin Akumulues.
Postimi i Faruk Mujka:
Disa “zëdhënës” komunal po tentojnë sërish të mbulojnë dështimet, gabimet dhe mospunën e institucioneve komunale. Sot përsëri po tentohet që të fajësohet “Ibër-Lepenci” për nivelin e ujit në Liqenin Akumulues, njëjtë sikur me rastin e vërshimeve në Janar kur dëmet ishin milionëshe e arsyeja kryesore ishte mbyllja (e besa edhe saldimi) i portave në liqenin akumulues. Sot, përkundrazi ato janë harruar të mbyllen, njëjtë si para dy muajsh kur kishim foto të njëjta. Sa për informim niveli i ujit në Çabër e Kushtovë është normal për një ditë vikendi. Nuk ka asnjë arsye tjetër që po potencohet në portale. Kanali i Ibër-Lepencit ka sasinë normale dhe furnizon normalisht edhe fabrikat e ujit, KEK-un, Ferronikelin dhe gjithë bujqit që kanë nevojë me i ujit arrat e tyre. Tash a ka kjo ndonjë prapavijë politike që të sulmohet Ibër-Lepenci? Mendoj që edhe zogjtë në qiell e dijnë përgjegjen. A ka dhënë dikush përgjegjësi për dëmet e shkaktuara në Janar dhe para dy muajsh? Adresa është Komuna e Mitrovicës. Aty kërkoni përgjigjet. Veriu.info
