Sot në Kosovë pritet mot më i freskët krahasuar me ditët e kaluara. Parashihen intervale kohore me diell dhe vranësira lokale. Po ashtu priten zhvillime të rrebesheve lokale të shiut me vetëtima dhe bubullimë, më të theksuara në veri, veriperëndim dhe verilindje të vendit, lokalisht edhe në disa vise tjera. Reshjet e sotme do të jenë të karakterit lokal dhe nuk kapin tërë territorin. Temperatura maksimale deri në 26 gradë Celsius, ndërsa erërat nga jugperëndimi mund të jenë paksa të fuqishme herë pas here.
