Moti
Pas nxehtësisë, rrebeshe lokalisht intensive me bubullimë!

Ka mbetur edhe pak kohë deri në ndryshimin drastik të kushteve të motit. Cikloni i cili pritet të formohet në veri të Italisë do të shkaktojë përkeqësim të motit, stuhi lokale e ulje të temperaturave. E Premtja do të jetë e nxehtë dhe po ashtu edhe e shtuna paradite mund të jetë mjaft e nxehtë lokalisht.
Pas shirave intensiv pason ulja e temperaturave, ndërkohë që pastaj priten alternime mes vranësirave e intervaleve kohore me diell. Reshjet pas frontit masiv do të vazhdojnë të jenë prezente (vetëm lokalisht) në formë të rrebesheve lokale të herëpashershme.